Rohit aur Priya college ke dinon se ek dusre se pyaar karte the. 7 saal ka pyaar, khushiyon aur laddaiyon se bhara hua. Ghar walon ki razamandi ke bina hi, dono ne shaadi kar li. Rohit ke astrologer uncle ne kaha tha ki yeh shaadi kabhi nahi chalegi kyunki dono ki kundaliyon mein bahut badi dosh hai.
Pehle 6 mahine sab kuch acha tha. Phir dheere dheere galatfahmiyan aur jhagde shuru ho gaye. Lagta tha jaise kundaliyon ka asar sach mein hai. Ek din, dono ne milke faisla kiya ki unhe alag ho jana chahiye. Divorce ke liye apply kar diya.
Court ke bahar dono apne lawyer ka intezaar kar rahe the. Tabhi ek 10 saal ka bachcha aaya aur bola, “Bhaiya, didi, kuch paise doge? Mere chote bhai ko bukhar hai, dawai leni hai.” Priya ne poocha, “Tumhare mummy papa kahan hain?” Bachcha udaas hokar bola, “Papa nahi hain aur mummy hospital mein hain.”
Rohit ne turant kuch paise bachche ko diye aur bola, “Chalo, hum tumhe hospital le chalte hain.” Bachcha sharmate hue bola, “Thank you bhaiya, didi.” Rohit aur Priya ne us bachche ko apni car mein bithaya aur hospital ke liye nikal pade.
Hospital pahunche toh pata chala ki bachche ki mummy ko emergency mein admit kiya gaya hai. Priya ne reception pe sab details clear kiya aur Rohit ne doctor se milke unka ilaaj shuru karwaya. Us raat Rohit aur Priya ne hospital mein hi waqt guzara, us bachche aur uski maa ka dhyan rakhte hue.
Agle din, jab mummy ki tabiyat thik hui, toh bachche ne khush hokar bola, “Aap dono bohot ache ho. Mujhe toh laga tha ki aap bhi baaki logon ki tarah ignore kar doge.”
Us pal mein, Rohit aur Priya ko ehsaas hua ki unka pyar ab bhi zinda hai, bas unhone hi usse andekha kar diya tha. Rohit ne Priya se kaha, “Kya hum ek aur mauka de sakte hain apne rishton ko?” Priya ke aankhon mein aansu aa gaye aur usne sir hila diya.
Dono ne court mein apna divorce application wapas le liya aur wapas ghar ki taraf chal diye. Ghar ke raste mein, Priya ne Rohit se pucha, “Humne us bachche aur uski maa ka kya karna hai?” Rohit muskurate hue bola, “Hum unhe apne ghar le chalenge. Unka bhi toh khayal rakhna hai.”
Ghar pahunchkar, Priya aur Rohit ne apni zindagi nayi shuruaat se shuru ki, ek naye sapne aur naye jazbe ke saath.
Tabhi, radio pe ek purana gaana bajne laga:
“Do pal ruka khwabon ka karwan…
Aur phir chal diye tum kahan hum kahan…”
